7 Kamachina kampa rikuriyay allikay yuyaykak
Kay unkuy mirarimananta ñukanchikpa kushikuy shuk tukurka. Kay pachaka mana imaura tukurinatapash yacharinchu. Kaymantami ninanta rikunta kanky kampa allikay yuyaykak mana kampa allí kawsay shuk tukuchun. Kaypi tsakinchi wakin umpaykunata llankanki yanaparinkapa imapash kutichunata charishpaka.
1. Riksi kampa kushikuyta
Imashna kan yariy maychaniyaymi kan. Kampa yariyaytaka Manayachayna kankichu. Llakillla kashpa o piñarishka kashpa, mana manllarinakankichu, mana kushillalla kayta usharinchu. Riksinami kanki kampa kushikuyta, shinallami kallarinki alli kawsayta.
Shukllami llankashpa ñukanchikpa kushikuy imashna kakta yacharin. Kaymantami ñukanchik munashkata shinashpallami alli kashun.
Kay shina, kay unkuy COVID-19wanka ñukanchik mana ally kanchichu. Shinapash imashna karuyayta ushanchimi kay llakimantaka, mana ñukanchikpa alli kawsayta mustunkapa. Imatapash maskakushpaka, alli yachanakanki maymantata willay llunshikukta mana iñiynalla kankichu.
Killkay imashina kawsakunkita, shinallami yanapayta usharinka ñukanchikpallata alli kankapa. Killkay shuk pankapi, mana kayta shinayta ushashpaka, kampa umapillata yuyay imashinata kampa muchuk kawsayka kan. Usharinkalla yankimi, kayta shinan: “Kunan pachapika, ñukaka …..”
2. Ruray kushichiy
Imapash ruraykuta shinan kushilla kankapa. Ima pachapi mana imatapash shinakushpaka, ruray ima munashkata, mana imapipash mana allíkunata umapi charinkapa.yanuy, tushuy, rikuy imatapash yawirkarikupi, killka kayi ima kamupipash, pukllay ima alli tiyashkapi, rurarayay wasimanta o imashnapash pukllay mashikunawan internetpi.
3. Llakishka mashikunawa willary
Kayay manakashpaka killkay kampa mashiwan, taytawan, yachashik mashiwankashpa, manakashpaka ikkay ruku runawankashpa rimankampa imatashnata kan kankita. Yuyay uyanaka ninan maychaniyaymi kan, mana kanlla kaktapi yariynka. Wasipipash maychaniyay yawirkarikupipashllaka mana alli kakpantaka sakiyshpa, ayllukunawan rimarynata charinchi, kaykunami yanapanka, ñukanchi alli kawsayta charinkapaka, kushilla kawsankapa.
4. Imapash allitaka rikuchina, allikana kan ñukanchiwan y shunkunawanpash.
Mana tukuy punchaka alli kankachu, shinapash imapash alli tiyankami tukuy punlla. Tukuy tuta, ña puñunachayanallapi, pagui ni imakumantapash, maski uchilla imapash allí yalishkata. ¡allimi yarinka!
Yuyary shuk shuk kawsaytami yalinakunchi kay unkuywanka. Imata shinashpa, imata nishpapash mana ñukanchikllaka imapash llaki yalinkachu, tukuymi imapash llakita hapiyrinka. Kunankarimi tukuylla yanaparichpa kawsanakanchik.
5. Ama kampa allí kawsaytaka sakirinkichu
Kampa, aychaka shuk shuk llakitami hapiyn, kan imashna yuyakuymanta. Allí mikuna kanki, shinallata rikuna kanki imashnata yariy kampa shuk shuk aycha ukku.
Shinay ruraykunata, chutari, samay, mana yapata shayakunki.
Imapash mana allí kashpaka, aycha nanaykunayman shamukpika, umamanta, chakikaman chayajukpika. Maypimi nanay kallarikukta yachashpaka allimi kanka kampallata, allí tukunkapa.
6. Kan munashpaka shuyuyta tullpuytakashpa, ¡wakiy kampa yachayta!
Kampa sumakruray shuyukunawanka usharinkami shukkunawan alli kawsayta, shinalata shuk mashikunatapash yanapankapa.
Kampa tullpukunata, sumakruraykunata makipurarishkakunata rikuchina kanchik shuk, shuk mashikunawan, tukuylla allí kawsankapa ñukanchik allikay yuyaykakwan.
¿Kampa kushikuyta yanapachun munanki?
Piwanpash yanapachun rimaywan munashpaka kan imashna yariy, kayanallami kanki Psicoescucha PUCE, Centro de Psicología Aplicada Facultad de Psicologíapi, Católica jatun yachana wasiman kay yupaykunaman 022991779 - 022991780, 10:00 pachamanta, 19:00 pachakunakaman, yanapachun munashpaka, piwampash rimanatamunashpaka.